2026 жылғы 20 қарашада Төтенше жағдайлар министрлігінің мәліметінше, өрт сөндірушілер оқиға орнына жеткен кезде тұрғын үйдің шатыры толығымен отқа оранған. Сондай-ақ төбе жабындысының бір бөлігі опырылып түскен.
"Құтқарушылар дереу өрт сөндіруге кірісті. Жұмыс барысында сыйымдылығы 50 және 25 литр болатын екі газ баллонын қауіпсіз жерге шығарды", – делінген ведомство хабарламасында.
Өрт толық сөндірілді. Зардап шеккендер жоқ.
Айта кетейік, бұған дейін Жезқазғанда өрт сөндірушілер жанып жатқан пәтерден бір адамды құтқарған болатын. Өрт бес қабатты тұрғын үйдің екінші қабатындағы пәтерден шыққан.