Астаналықтың айтуынша, ол түнгі уақытта достарымен бірге караоке-барға көңіл көтеруге барған. Ішімдік ішкен ер адам сол арада бір бойжеткенмен танысып,оны қонақ үйге шақырады.
Қонақ үйде ер адам ұйқыға кеткенде қыз оның әмиянынан ақшасын алып, қашып кеткен.
Іздестіру іс-шаралары барысында полиция қызметкерлері ұрлық жасағанын мойындаған 22 жастағы қызды ұстады. Қазіргі уақытта сотқа дейінгі тергеу қолға алынды, оның елорда аумағында бұрын жасалған осыған ұқсас қылмыстарға қатысы бар-жоқтығы тексеріліп жатыр. ҚР ІІМ баспасөз қызметі
