Алматыдағы "Мамыр" ықшам ауданындағы пәтерлердің бірінен 34 жастағы әйелдің және жеті мен екі жастағы екі баланың денесі табылды, деп хабарлайды Sputnik Қазақстан.
Алматы қаласы ПД баспасөз қызметінің мәліметінше, 6 тамызда жедел басқару орталығына бірден үш адамның мәйіті табылғаны туралы хабарлама келіп түсті.
Материалдар жинау және адамдардың өлімі жағдайын анықтау үшін оқиға орнына жедел-тергеу тобы аттанды. Оқиға орнына келген қалалық ПД бастығы Арыстанғани Заппаров тергеу барысын жеке бақылауына алатынын айтты.