27 тамызда сағат 17:50 шамасында Жедел басқару орталығының 102 пультіне “Юбилейный” бау-бақша қоғамдастығы аумағында төбелес болып жатқандығы, атыс қаруы қолданылғаны туралы хабарлама келіп түсті. Оқиға орнына шұғыл жеткен полицейлер оқтан жараланған екі ер адамды – 31 және 25 жастағы Сарыкөл ауданының тұрғындары үстінен түсті. Жәбірленушілер дереу ауруханаға жеткізілді.
Қазіргі уақытта оларға медициналық көмек көрсетілді. Денсаулық жағдайлары қанағаттанарлық деңгейде.
Күдікті оқиға орнынан қашып кеткен. Бұған дейін де сотты болған облыс орталығының 38 жастағы тұрғыны бір сағаттан кейін қаланың солтүстік бөлігінде ұсталды. Қазіргі уақытта УҰИ-ға қамалды.
Атыс қаруы тәркіленіп, сараптамаға жіберілді.
Сондай-ақ атыс қаруын сақтау және жасау фактілері бойынша процессуалдық шешім қабылданатын болады.
