Жарма ауданы Үшбиік ауылында Ақтайлақ би атындағы орта мектептің 9-сыныпта оқитын екі оқушы өздеріне қол жұмсаған. Асылулы күйіндегі екеудің біреуін аман алып қалу мүмкін болды. Олар өзінен жоғары оқитын сынып оқушылары тарапынан буллингке ұшырағаны белгілі болды. Өзге оқушылардың айтуынша, 11-сынып оқушылары жасөспірімдерді бірнеше мәрте соққыға жығып, психологиялық қысым да көрсеткен, деп хабарлайды abainewskz порталы.
Жарма аудандық полиция бөлімімен аталған факті бойынша ҚР Қылмыстық кодексінің 105-бабының 3-бөлігі (Өзін-өзі өлтіруге дейін жеткізу) бойынша сотқа дейінгі тергеп-тексеру басталғанын хабарлайды.
Қазіргі уақытта бірқатар сот сараптамалары тағайындалды.
Қылмыстық процестік кодексінің 201-бабының 1-бөлігіне сәйкес, өзге мәліметтер, сотқа дейінгі тергеп-тексеру деректері жария етілуге жатпайды.
Тергеу барысы облыс департаменті басшылығының ерекше бақылауында.
Айта кетсек, алдында Абай облысында оқушысы суицид жасаған мектеп тексеріліп, қорытындысы жарияланғанын хабарлаған болатынбыз.