Желідегі жеделсаты ішінде сүйіскен қос еркектің видеосы – қылмыстық іс қозғалды

Әлеуметтік желіде жеделсаты ішінде сүйісіп жатқан екі еркектің видеосы кеңінен тараған. Кадр сыртындағы адам оларды энергетика министрлігінің қызметкерлері екенін айтады. Астана қалалық полициясы Zakon.kz-ға жалған ақпарат тарату фактісі бойынша қылмыстық іс қозғалғанын хабарлады.

Елордалық ведомствоның баспасөз қызметі азаматтардың құқықтары мен заңды мүдделеріне елеулі зиян келтіретін жалған мәліметтерді таратқаны үшін қылмыстық жауапкершілік қарастырылатынын еске салады.

"Күні кеше әлеуметтік желіде тараған видеодағы жеделсаты ішіндегі оқиғаға энергетика министрлігі қызметкерлерінің қатыстылығы туралы жалған ақпарат негізінде ҚР Қылмыстық кодексінің 274-бабының 2-бөлігі бойынша қылмыстық іс қозғалды". Астана қалалық ПД баспасөз қызметі