Полицияның мәліметінше, 23 ақпанда жергілікті тұрғын құқық қорғау органдарына ағасын төрт ай бойы көрмегенін айтып арызданған. Оның айтуынша, ағасы телефон қоңырауларына жауап бермей, хабар-ошарсыз кеткен.
"Тергеу тобы айтылған мекенжайға барған кезде қинап өлтіру белгілері бар 50 жастағы жоғалған ер адамның мәйітін тапты". Қостанай облысы полиция департаментінің баспасөз қызметі
Бұған қоса полиция тосын қылықтар көрсеткен 51 жастағы әйелі ұсталып, психиатриялық ауруханаға жатқызылғанын хабарлады.
"ҚР Қылмыстық кодексінің 106-бабының 3-бөлігі ("Жәбірленушінің өліміне әкеп соққан денсаулыққа қасақана ауыр зиян келтіру") бойынша сотқа дейінгі тергеп-тексеру басталды". Қостанай облысы полиция департаментінің баспасөз қызметі
