Президенттің айтуынша, "төрт бостандық" қағидасының бірі – тауарлардың қозғалыс еркіндігі.
"Біздің ортақ кедендік аумағымыз арқылы өтетін қазақстандық емес, қазақстандық жүктердің қозғалысын шектеу, квоталау және ұстау жағдайларының барлығы жойылуы керек деп есептеймін".Қасым-Жомарт Тоқаев
Мұндай шектеулер, Қазақстан президенті атап өткендей, "ЕАЭО аясындағы экономикалық ынтымақтастықтың мақсаттары мен рухына" сай келмейді.
"Ең бастысы, олар біздің экономикалық интеграциямыздың әлеуетін жүзеге асыруды шектейді. Біз тасымалдауды қадағалау үшін навигациялық пломбаларды пайдалану туралы келісімнің күшіне енуін жеделдету қажет деп санаймыз. Мұндай шара цифрландырудың интеграциялық процестерге оң әсері жағынан жақсы үлгі болар еді. Осы Келісімде көзделген мемлекеттік бақылау шараларын оңтайландыру Экономикалық одақтың іскерлік және көліктік-транзиттік әлеуетін айтарлықтай кеңейтуге мүмкіндік береді. Осы Келісімді мерзімінен бұрын ратификациялау бұл мәселені шешуге ықпал етеді деп ойлаймын". Қасым-Жомарт Тоқаев