Полицияға біренеше ер азамат арызданып, сәуір айынан бастап белгісіз әйелдер өздерімен алмасқан жеке сипаттағы суреттері мен хаттары үшін 500 мың теңге талап еткендігін айтқан.
ПД ҰҚҚКБ қызметкерлерімен кешенді жедел-іздестіру шаралары жүргізіліп, нәтижесінде облыстың үш тұрғыны ұсталды. Facebook-те жалған аккаунт құра отырып, бұл әйелдер әлеуметтік желіде абыройға кір келтіретін мәліметтерді таратпау үшін ақы сұраған.
"Бопсалаушылардан барлығы 8 тұлға жапа шеккен. Заттай дәлелдеме ретінде бірнеше телефон, қолма-қол ақша және банк карталары тәркіленді. ҚР ҚК 194-бабының 2-бөлігі бойынша сотқа дейінгі тергеп-тексеру басталды. Екі күдікті әйел УҰИ-ға қамалды, үшіншісіне қатысты үйқамақ түріндегі бұлтартпау шарасы қолданылды", делінген полиция хабарламасында.
Сондай-ақ күдіктілердің осыған ұқсас деректерге қатыстылығы тексерілуде.