Айта кетсек, 3 тамызда сағат 15:00 шамасында Мәметова көшесіндегі Әулие-Николай соборының шіркеуінде белгісіз адамдар үй-жайға кіріп, қайырымдылық мақсатында ақша салуға арналған жәшікті бұзып, 20 мың теңгені үптеп кеткені хабарланған.
Полиция қызметкерлері дереу оқиға орнына барып, аумақты тексеріп, куәгерлерден жауап алды.
Тәртіп сақшылары шіркеуде орнатылған бейнекамералардың көмегімен бір тәулік ішінде күдіктінің жеке басын анықтап, Мұғалжар ауданының 30 жастағы тұрғынын ұстады.
"ҚР ҚК 188- бабы бойынша сотқа дейінгі тергеу жұмыстары басталды. Сондай-ақ ұсталған адамның басқа да осыған ұқсас қылмыстарға қатысы бар-жоғы тексерілуде".
