Іс материалдарына сәйкес, өз шағымында Бас прокурор сот қорытындыларының істің нақты мән-жайларына сай келмеуіне және қылмыстық заңның дұрыс қолданылмауына байланысты сот актілерінің күші жойылатынын атап өтті.
"Сот жабдықтың орнатылғанын және ақшалай қаражаттың Ш. Данбайдың лауазымды қызметке тағайындалғанға дейін консорциумға төленгенін, сома консорциумның шағым сомасы төмендеген кезде ескерілгенін, осыған байланысты залал келтірілмегенін есепке ала отырып, ақтау үкімін шығарғанын алға тартады. Алайда, аталған мән-жайлар нақтысында расталмады", - делінген ҚР Жоғары сотттың қылмыстық істер жөніндегі сот алқасының қаулысында.
19 шілдеде қылмыстық істер жөніндегі сот алқасы Атырау мұнай өңдеу зауытының бұрынғы бас директоры Шухрат Данбайға және сол кәсіпорынның сатып алу департаментінің директорына қатысты Атырау қаласының №2 сотының үкіміне апелляциялық шағымды қарады. Ол кезде ақтау үкімі өз күшінде қалған болатын.
Шухрат Данбай 2019 жылдың ақпанынан 2021 жылдың шілдесіне дейін Атырау МӨЗ-ге басшылық етті. Ол қызметтік өкілеттігін асыра пайдаланды деген қылмыстық іс бойынша 2022 жылы ұсталды.