Елордалық полиция департаментінің мәліметінше, бетон араластырғыш жүк көлігінің жүргізушісі арақашықтықты сақтамай, салдарынан аялдамада тұрған автобуспен соқтығысқан.
"Жол-көлік оқиғасы салдарынан ешкім зардап шеккен жоқ", - деп атап өтті Астана қалалық ПД.
Айта кетсек, Қостанай облысында полиция көлігінің апатқа ұшырауына мас ауыл тұрғыны түрткі болған. Тексеру барысында полиция көлігі ішіндегі мас тұрғын учаскелік полиция қызметкерінің көлік жүргізуіне кедергі келтіргені анықталды. Салдарынан көлік кюветке ұшып, аударылған.
