Астанада қоқыс өңдеу зауытында заңсыз жұмыс істеген Өзбекстанның 37 азаматы ұсталды

ҚР ІІМ Көші-қон қызметі комитеті елордада жүргізілген рейдтің бір күні барысында елімізде болу тәртібін бұзған 119 гастербайтерді және шетелдіктердің интимдік қызмет көрсету бойынша 5 фактісін анықтады, деп хабарлайды Zakon.kz.

Сондай-ақ құзырлы ведомство қоқыс өңдеу зауытының аумағында заңсыз жұмыс істеп жүрген Өзбекстанның 37 азаматы құрықталғанын нақтылайды.

ІІМ Көші-қон қызметі комитеті көші-қон заңнамасын сақтауға шақырады.

Сондай-ақ уәкілетті органның тиісті рұқсатынсыз жұмыс берушінің шетелдікті бірнеше рет жұмысқа қабылдағаны және жұмыс берушінің шетелдік жұмыс күшін пайдалану қағидаларын бірнеше рет бұзғаны үшін қылмыстық жауаптылық туралы ескертеді.