Іс Астана қаласының қылмыстық істер жөніндегі ауданаралық сотында қаралды.
- Сот үкімімен Т. ҚК 366-бабының 2-бөлігі бойынша кінәлі деп танылып, мемлекеттік қызметте қызмет атқару құқығынан өмір бойына айырыла отырып, 60 еселенген сома (63 600 000 теңге) мөлшерінде айыппұл түріндегі жаза тағайындалды.
- Д. ҚК-нің 234-бабының 2-бөлігі, 367-бабының 2-бөлігі бойынша кінәлі деп танылып, өмір бойы мемлекеттік қызметте қызмет атқару құқығынан айырыла отырып, параның 26,6 еселенген сомасы (28 196 000 теңге) мөлшерінде айыппұл тағайындалды.
Айыптаудың мәні:
Т., кеден бекеті басшысының орынбасары бола отырып, азаматша Д.-дан кедендік шекара "Стамбул-Астана" әуе қатынасы арқылы контрабандалық жолмен декларацияланбаған алтын бұйымдар мен медициналық дәрі-дәрмектерді алып келгені үшін 1 060 000 теңге көлемінде пара алған, ал соңғысы аталған ақшалай сыйақыны берген.
"Сотталушылар кінәсін мойындап, шын жүректен өкінді. Сотталушылардың кінәсі куәгерлердің айғақтарымен, сот сараптамалары мен мамандардың қорытындыларымен дәлелденді". Астана қаласының қылмыстық істер жөніндегі ауданаралық соты
Тараптардың ұстанымы:
- Прокурор айыптауды қолдап, бас бостандығынан айыру жазасын тағайындауды сұрады.
- Қорғаушы тарап жеңілдетілген мән-жайларды ескере отырып, айыппұл түріндегі жаза тағайындауды сұрады.
"Үкім заңды күшіне енген жоқ". Астана қаласының қылмыстық істер жөніндегі ауданаралық соты
Ал, Маңғыстау облысының прокуратурасы кәсіпкерлердің құқықтарын қорғады.
