Алдымен әлеуметтік желіде оқыс оқиғаның видеосы жарияланды. Видеода бейтаныс ер адамның оқиға орнынан қашып бара жатқанын, ал жерде полицейдің сұлап жатқанын көруге болады.
Оқиға куәгерлері полицейді әлдекім пышақтап кеткенін айтады.
Аталған оқиғаға қатысты Zakon.kz сайтына Астана қалалық полиция департаменті түсініктеме берді.
"1 қыркүйекте жол қауіпсіздігін қамтамасыз ету мақсатында өз қызметін атқарушы патрульдік полиция полкінің инспекторына сол маңнан өтіп бара жатқан ер адам шабуылдап, арқасына пышақ тыққан. Күдікті ізін суытпай ұсталып, уақытша ұстау изоляторына қамалды. Аталған фактіге сәйкес, ҚР ҚК-нің 380-бабы, яғни "Билік өкіліне қатер төндіру немесе зорлық-зомбылық жасау" бойынша қылмыстық іс қозғалды". Астана қаласы ПД баспасөз қызметі
Күдікті 12 жылға бас бостандығынан айырылуы мүмкін.