ҚР ІІМ баспасөз қызметінің мәліметінше, құмар ойынға қанбаған ер адамдар "көлігіңді есепке қойып беремін" деп алматылықтарды алдай бастайды.
"Қаскүнемдер "тіркетеміз" деп бөтеннің көліктерін алып кетіп, бірақ ақыр соңында оларды сатқаннан түскен ақшаны казиноға жұмсаған. Осылайша олар екі адамды алдады. Жәбірленушілер материалдық шығынды шамамен 15 миллион теңгеге бағалады", - дейді полициядағылар.
Сот екеуін де кінәлі деп тауып, бес жыл мерзімге бас бостандығынан айыру жазасын тағайындады. Олар жазаны Семейдегі орташа қауіпсіздік мекемесінде өтейді. Жәбірленушілерге келтірілген материалдық шығын қазіргі уақытта ішінара өтелді.
