13 қыркүйекте Астана қаласы ПД-ның Instagram-дағы парақшасында аталған қылмыстық іске қатысты толыққанды мәліметтер жарияланды.
"10 қыркүйекте полиция басқармасының кезекші бөліміне қараусыз қалған ғимараттан кәмелетке толмаған қыздың денесі табылғаны туралы хабарлама келіп түсті. Оқиға орнына жедел-тергеу тобы шұғыл аттанды. Оқиға орнында егжей-тегжейлі тексеру жүргізілді. Өлімнің нақты себебін анықтау үшін сот-медициналық сараптама тағайындалды, алдын-ала мәліметтер бойынша өлімнің себебі - жүректің тоқтауы. Қозғалған қылмыстық іс шеңберінде болған оқиғаның барлық мән-жайын анықтауға бағытталған жан-жақты және объективті тергеу әрекеттері жүргізіледі. Тергеу ПД басшылығының ерекше бақылауында", делінген хабарламада.