5 қазанға қараған түні, облыс орталығының жеке тұрғын үй секторларының бірін патрульдеу кезінде "Бүркіт-253" ППВ полицейлері ашық тұрған кәріз құдығына құлап қалған жылқыны байқап қалды. Жағдайдың күрделілігін бағалай отырып, полицейлер жақын маңдағы патрульдік жасақты көмекке шақырды.
"Құтқару операциясы оңай болған жоқ: жануардың салмағы мен көлемі жұмысты айтарлықтай қиындатты. Алайда, Ернар Омаров пен Айбек Тұрсыновтың құрамындағы "Бүркіт-253" ППВ, сондай-ақ Дархан Есімханов пен Серік Ордабаевтың құрамындағы "Бүркіт-261" патрульдік полиция взвод іс-қимылдарының арқасында жылқы аман-есен құдықтан шығарылды. Барлық жұмыстар жануарға зиян келтірмеу үшін аса мұқият орындалды. Бұл оқиға полицейлердің әрқашан күрделі жағдайларға дайын екенін және қиындықтардан қорықпайтынын дәлелдеді", деп жазды Алматы облысы ПД бастығы Бауыржан Аленов Instagram-дағы парақшасында.
