Әкімшілік іс Түпқараған аудандық сотында ҚР ӘҚБтК-нің 611-бабының 3-бөлігі бойынша қаралды.
"Көлік құралын жүргізу куәлігінің мерзімі 2016 жылы аяқталғанын біле тұра, ер адам 2024 жылы 22 қыркүйек сағат 13:00 шамасында, Түпқараған ауданында Баутино ауылындағы Куржиманұлы көшесінің бойында Nissan Primer» автокөлігін басқарып келе жатып, рөлге ие бола алмай, жолдың бойында орналасқан жарық бағанасын соғып, оқиға болған жерден кетіп қалған", делінген облыстық сот хабарламасында.
Сот отырысында ер адам кінәсін толық мойындап, өзіне жеңіл жаза тағайындауды сұрады.
Сот бұған дейін жасаған әкімшілік құқықбұзушылық әрекеттерінің санын ескеріп, ер адамға қамаққа алу түріндегі жаза тағайындауды жөн деп тапты.
Сот қаулысымен оған 30 тәулікке әкімшілік қамаққа алу түріндегі жазасы тағайындалды.
Қаулы заңды күшіне енді.