Облыстық ПД баспасөз қызметінің хабарлауынша, "CHEVROLET COBALT" автокөлігінің жүргізушісі Құршасай ауылынан Ақтөбе қаласына қарай келе жатып, Жаңақоныс-3 тұрғын алабы ауданында жаяу жүргіншіге қаққан. Жол-көлік оқиғасы салдарынан жаяу жүргінші оқиға орнында қаза тапты.
"Осы жол-көлік оқиғасының куәгерлерінен 936-404, 936-408, 8-771-292-81-52 телефондарына хабарласуды немесе Ақтөбе қаласы Жұбановтар көшесі, 271 мекенжайы бойынша орналасқан Ақтөбе облысы ПД Анықтау басқармасының №404, 408 кабинеттеріне келуді сұраймыз", делінген хабарламада.
Бұған дейін Маңғыстауда көлігімен жарық бағанын соғып, оқиға орнынан қашқан ер адам 30 тәулікке қамалғанын хабарлаған болатынбыз.