Бұл фактіні ҚР ІІМ баспасөз қызметі растады.
"Алматы-Өскемен тас жолының 939-шы шақырымында жол-көлік оқиғасы орын алды: қатты желдің салдарынан MERCEDES BENZ маркалы жүк көлігі аударылды. Жүргізуші зардап шеккен жоқ", делінген хабарламада.
Полицейлер жүргізушілер мен жолаушылардың , әсіресе ұзақ қашықтыққа шыққанда мына жағдайларға назар аударуды сұрайды:
• Жол қозғалысы ережелерін қатаң сақтаңыз.
• Қатты жел немесе нашар көріну жағдайында жылдамдықты төмендетіңіз және мүмкіндігінше ұзақ сапардан аулақ болыңыз.
Бұған дейін Қарағанды облысында жоғалып кеткен бір үйір жылқы мұз астынан табылғанын жазған болатынбыз.