Оқыс оқиғаның видеосы әлеуметтік желіде тарады.
Облыстық полиция департаменті аталған видеоға қатысты түсініктеме бере отырып, бұл оқиғаның 2025 жылы 11 ақпанда сағат 14:30-да Интернационалист-жауынгерлер көшесінде болғанын айтты.
"Қарағанды қалалық ПБ патрульдік полициясының экипажы соқтығысуға жол бермеймін деп рөлді бұрғанда жаяу жүргіншілер жолағынан өтіп бара жатқан жаяу жүргіншіні қаққан. Апат салдарынан 22 жастағы зардап шегуші медициналық мекемеге жеткізілді. Арнайы машинаның жүргізушісіне қатысты әкімшілік хаттама толтырылып, шешім қабылдау үшін материал сотқа жіберілді". Қарағанды облысы ПД баспасөз қызметі
Алматыда 10 ақпанда түнде Қытайдың Exit көлігін тізгіндеген жүргізуші жаяу жүргіншіні қағып, мерт еткен болатын.