Otyrar.kz мәліметінше, жасөспірім 10-сыныпта оқитыны белгілі. Оқиға Бәйдібек ауданында болған. Қайғылы оқиғаның себептері тергеу мүддесі үшін жария етілмейді. Қазіргі уақытта ҚР Қылмыстық кодексінің 105-бабының 3-бөлігі бойынша сотқа дейінгі тергеу шаралары қолға алынған.
"Қылмыстық іс бойынша іс жүргізу прокуроры тағайындалды. Тиісті нұсқаулар берілді. Қазіргі уақытта қажетті тергеу әрекеттері жүргізілуде. ҚР Қылмыстық іс жүргізу кодексінің 201-бабына сәйкес өзге ақпарат жария етуге жатпайды", - деп түсіндіреді Түркістан облысының прокуратурасы.
Аталған іс облыстық прокуратураның бақылауында.
Бұған дейін Ақтөбе облысы Шалқар ауданындағы орта мектеп оқушысы суицид жасағанын, қазір полиция іс қозғап, тергеу жүріп жатқанын хабарлағанбыз.