Жуалы аудандық сотымен ӘҚБтК-нің 434-б. 1-б. (Ұсақ бұзақылық) бойынша азамат О.-ға қатысты әкімшілік іс қаралды.
Сот анықтағандай, 2025 жылдың ақпанында балық шаруашылығы инспекциясымен "Теріс-Ашыбұлақ" су айдынында жүргізілген рейдтік іс шара барысында, мұздық үстінде тиісті рұқсат қағазсыз балық аулап отырған азамат О-ны байқайды.
"Инспекторлардың жеке басын анықтайтын құжатты сұрағанына өзін таныстырудан бас тартып, оларға бағынбай балағат сөздер айтып қарысылық көрсетті. Нәтижесінде, инспекция қызметкерлері полиция шақыруға мәжбүр болған", делінген Жуалы аудандық сотының баспасөз қызметі хабарламасында.
Cот отырысында құқықбұзушы өзінің кінәсін толық мойындап, жасалған іс әрекетіне өкінетінін көрсетті.
Сот қаулысымен ӘҚБтК-нің 434-б. 1-б. бойынша О. кінәлі деп танылып оған 78 мың теңге көлемінде айыппұл салынды.
Сот қаулысы заңды күшіне енді.