Сотқа жүгінуге себеп - қолайсыз ауа райына байланысты сынған ағаштың жартысы тұрақта тұрған үш көліктің үстіне түсуі болды. Салдарынан көліктерге әртүрлі деңгейдегі механикалық зақым келген. Қалған екі жүргізуші зақым көлемінің аздығына байланысты арыз жазудан бас тартты.
Қылмыстық және әкімшілік құқық бұзушылық құрамының болмауына байланысты қалалық полиция басқармасы азаматқа сотқа жүгінуді ұсынды. Талап қоюшының шағымына жауапкер залалды өтеу үшін бюджеттен қаражат қарастырылмағанын хабарлады.
"Сот коммуналдық мекеме ағаш құлаған жол төсемін ұстауға жауапты екенін анықтады. Туындаған залал мен жауапкердің әрекеттері не әрекетсіздігі арасындағы себеп-салдарлық байланыстың, сондай-ақ ұсынылған дәлелдемелердің, куәның айғақтарының және прокурордың қорытындысының болуын ескере отырып, сот талап қоюды толық көлемде қанағаттандырды. Жауапкерден талап қоюшының пайдасына жалпы сомасы 550 мың теңгеге материалдық залал мен сот шығыстары өндірілді", делінген сот хабарламасында.
Шешім заңды күшіне енді.
Бұған дейін Ақтөбеде ем іздеп келгендерге несие алдыртқан емшінің ісі сотқа жеткенін жазғанбыз.