Оқиға Үлкен Алматы айналма жолының 43-ші шақырымында орын алып, бейнебақылау камераларына түсіп қалған. Алматы облысының полиция департаменті мұндай әрекетті жол қозғалысы ережелерін өрескел бұзу деп таныды.
"Жүргізушілердің бірі көлік құралын жол бойында қалдырып, өз секілді көлігін ережелерді бұза отырып, тоқтаған келесі адамға бір заттарды тапсыру үшін апарып береді", – деп түсіндірді құқық қорғау органдары.
Екі құқық бұзушы да жедел анықталып, әкімшілік жауапкершілікке тартылды. Біріншісіне апатты жағдай жасағаны және маневр жасау ережелерін бұзғаны үшін 20 АЕК, ал екіншісіне жол белгілері талаптарын және жол қозғалысына қатысушылардың жалпы міндеттерін сақтамағаны үшін 5 АЕК мөлшерінде айыппұл салынды. Осылайша, жүргізушілер жалпы сомасы 98 300 теңге төлейтін болды; бірі - 78 640 және екіншісі - 19 660 теңге.
Полицейлер фототүсірілім жүйесі жолдардағы қауіпсіздікті қамтамасыз етудің тиімді құралы екенін еске салады. Автоматты режимде тіркелген барлық бұзушылық міндетті түрде зерделеніп, ал кінәлі жүргізушілер жауапқа тартылады.
Бұған дейін Маңғыстау облысында полицейлер заңсыз көші-қон арнасының жолын кескен.