2026 жылдың 3 сәуірінде соттың баспасөз қызметі істің қарауға қабылданғанын және процестің қашан басталатыны, яғни датасы туралы алдын ала құлақтандырылатынын хабарлады. Байжановты қорғаушы тарап алдында шығарылған сот үкімін қайта қарауға қол жеткізгісі келеді.
Айта кетсек, Бақытжан Байжанов бұған дейін рақымшылыққа ілініп, жаза мерзімі қысқартылған болатын. 2025 жылдың 30 шілдесінде жазаның өтелмеген бөлігі 1/3-ке қысқартылып, қалған мерзімі 1 жыл 4 ай 17 күн деп белгіленген болатын.
2024 жылғы 13 мамырда бұрынғы ұлттық экономика министрі Қуандық Бишімбаев әйелі Салтанат Нүкенованы азаптап, аяусыз өлтіргені үшін 24 жылға бас бостандығынан айырылды. Оның туысқан ағасы Бақытжан Байжановқа қылмысты жасырғаны үшін төрт жылға бас бостандығынан айыру жазасы тағайындалды.