Құжатқа сәйкес, есептілік мынадай ақпараттарды қамтуы тиіс:
- құмар ойын бизнесін ұйымдастырушының бизнес-сәйкестендіру нөмірі туралы мәлімет;
- құмар ойын бизнесін ұйымдастырушының атауы;
- қызмет түрі;
- заңды мекенжайы;
- есепті кезеңнің басындағы қызметкерлер саны туралы мәлімет;
- есепті кезеңнің соңындағы қызметкерлер саны туралы мәлімет;
- есепті кезеңнің басындағы құмар ойындарға немесе бәс тігуге қатысушылар саны (резиденттер);
- есепті кезеңнің басындағы құмар ойындарға немесе бәс тігуге қатысушылар саны (резидент еместер);
- кезең соңындағы құмар ойындарға немесе бәс тігуге қатысушылар саны (резиденттер);
- кезең соңындағы құмар ойындарға және (немесе) бәс тігуге қатысушылар саны (резидент еместер);
- "Қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы" заң негізінде іскерлік қатынастар орнатудан бас тарту жағдайларының саны;
- есепті кезеңде бір ойыншының ойын орындарына келу саны (10 реттен аз, 10 реттен көп, 50 реттен көп);
- "Ойын бизнесі туралы" заңға сәйкес әр лицензия бойынша міндетті резервтер түріндегі қамтамасыз ету сомасы;
- ойыншыларға төленген ақша қаражатының сомасы;
- ойын бизнесін ұйымдастырушының ойыншылардан алған ақша қаражатының сомасы;
- ойын жабдығының атауы мен түрі;
- ойын жабдығының саны;
- ойын жабдығының сериялық немесе түгендеу нөмірі;
- ойын жабдығын өндіруші туралы мәлімет;
- ойын жабдығы мен ойын автоматтарының техникалық жай-күйі;
- ойын автоматында технологиялық тұрғыда белгіленген ұтыс пайызы;
- бейнежазба жүйелерінің техникалық жай-күйі, оның ішінде жүйе атауы, саны және жабдықты тестілеу күні;
- кассалар туралы мәлімет (түрі, саны, орналасқан жері);
- салық салу объектілерін/кассаларды мемлекеттік кірістер органдарында тіркеу туралы мәлімет;
- үстелдер санының өзгеруі, жабдықты ауыстыру туралы ақпарат, оның ішінде ауыстырылған жабдықтың сериялық немесе түгендеу нөмірі;
- лицензия алу кезінде көрсетілген ойын үстелдерінің саны туралы мәлімет;
- ойын үстелдері санының артуы немесе қысқаруы туралы ақпарат;
- құрылтайшылар құрамындағы бенефициарлық меншік иелері, ұйымдастырушы басшылығы және алғашқы басшылар туралы мәлімет.
Сонымен қатар, мына құжаттарға да өзгерістер енгізілді:
- "Казино қызметімен айналысуға лицензия беру" мемлекеттік қызметін көрсету қағидаларына;
- "Ойын автоматтары залы қызметімен айналысуға лицензия беру" мемлекеттік қызметін көрсету қағидаларына;
- "Букмекерлік кеңсе қызметімен айналысуға лицензия беру" мемлекеттік қызметін көрсету қағидаларына және басқа да құжаттарға.
Аталған бұйрық 2026 жылғы 24 мамырдан бастап қолданысқа енгізіледі.