ҚР ІІМ баспасөз қызметінің хабарлауынша, сондай жағдайдың бірі жуырда елордадағы Қонаев көшесінде болды.
"Күндізгі сағат үш шамасында белгісіз тұрғын кішкентай баланың жалғыз жүргенін байқап, алаңдаушылық білдіріп, жақын маңдағы SOS батырмасы арқылы полицияға хабар берді. Патрульдік полиция қызметкерлері жедел түрде оқиға орнына жетіп, алты жастағы баланы тауып, оның жанында ересек адамдардың болмағанын анықтады. Тәртіп сақшылары баланы тыныштандырып, қауіпсіздігін қамтамасыз етті. Кейін оның атасын тауып, жеткіншекті оларға аман-есен табыстады", делінген хабарламада.
Бұл жағдай SOS батырмаларының қала қауіпсіздігін қамтамасыз етуде қаншалықты маңызды екенін көрсетті. Мұндай технологиялар азаматтардың белсенді қатысуымен бірге тәртіп сақшыларына уақытылы әрекет етуге мүмкіндік береді.
Полиция тұрғындарды бейжай қалмауға және қоғамдық қауіпсіздікке ортақ жауапкершілікпен қарауға шақырады.