Қызылордада егістік алқаптар суда қалды. Күннің күрт жылынуы салдарынан Сырдария өзенінде мұз еріп, кептеліс туындаған. Бөгеттің 8 тұсынан су жырған, деп жазады kaztrk.kz.
Мамандардың айтуынша, қазір Шардара мен Көксарай қоймасы көп су алып жатыр, сондықтан, төменге қарай құйылып жатқан судың мөлшері азайды.
Секундына 400 текше метр. Бірақ, ауа температурасы жоғарылаған сайын қауіп күшеймек. Мұз дұрыс жүрмей, дария арнасынан асуы мүмкін.
Бақытжан Лекеров, Сырдария ауданы әкімінің орынбасары: - 2300 гектар алқапты су алды. Қазіргі уақытта егістік алқаптың су басқан жерлерінен малдар шығарылып, шығын келмейтіндей жұмыс жасалып жатыр.
Ақерке Берікбекқызы
