6-9 мамыр аралығында Жеңіс күні қарсаңында «Жеңіс лентасы» атты патриоттық акция шеңберінде «Бәйтерек» монументінің алаңында, Студенттер саябағында және де «Хан шатыр» ОСО алдында сағат 10:00-ден 18:00 дейін «Жеңіс лентасы» мен төсбелгілер таратылады, деп хабарлайды Zakon.kz Астана қаласы әкімдігінің сайтына сілтеме жасап.
Елорда тұрғындары мен қонақтарының тілегін ескерген Астана қаласының әкімдігі 5 мамыр күні (сағат 10:00-нан 18:00 дейін) «Бәйтерек» монументі алаңында жеңіс лентасын тарататын орынды ашады.
Жеңіс лентасы ұзындығы 30 см жібек матадан жасалған, ені 3 см аспан түстес және ортасына ұлттық нақыштағы алтын түсті ою-өрнек жүргізілген. Лентаның ұшына Отан соғысының Ордені (деңгейі көрсетілмеген) бейнеленген, ол халқымыздың Ұлы Отан соғысы жылдарында көрсеткен ерлігі мен жаужүрек батыр екендігін білдіреді.
Лента «9 Мамыр – Жеңіс күні. 1941-1945 жылдар» атты жазуы бар төсбелгімен бекітіледі.