Восток ауылында 11 жастағы қыз баланың мәйіті табылды. Бұл істі Қостанай облыстық ІІД өз бақылауына алды, деп хабарлайды Baq.kz ақпарат агенттігі kstnews.kz сайтына сілтеме жасап.
Қостанай облысында қайғылы жағдай болды. Восток ауылында 11 жастағы қыздың мәйіті табылды.
ІІД полиция қызметкерлері сотқа дейінгі тергеу амалдарын жүргізіп жатқанын және болған оқиғаның мән-жайын анықтап жатқанын хабарлады.
Облыс және Қарасу ауданындағы білікті мамандардан құралған арнайы жедел-тергеу тобы құрылды. Тергеу амалдары облыстық ішкі істер департаменті басшылығының бақылауында.
