Бұқтырмаға бет алған туристердің автобусы жол-көлік оқиғасына тап болды, деп хабарлайды Алтайньюс тілшісі.
Жол апаты МАИ бекетінен бірнеше шақырым қашықтықта болған. Жүк «Газелінің» жүргізушісі жолдың қарама-қарсы бағытына шығып кетіп, нәтижесінде Өскеменнен демалыс базасына бара жатқан автобуспен қақтығысқан.
Жол-көлік оқиғасына куә болғандардың айтуынша, автобус жүргіншілерінің ешбірі жапа шекпеген. ПАЗдың жүргізушісі соңғы сәтте жол жиегіне шығып кете алған екен. Апат болған жерде қазір патрульдік қызметкерлер жұмыс істеуде.