Ақтөбенің монополистері жоғары тарифтің арқасында 100 миллион теңгеден артық пайда көрген

aktobenews.kz
Мәселен, «Актобеэнергоснаб» ЖШС 122,1 млн теңге көлемінде үстеме табыс көріп отырған.

Ақтөбе облысының прокуратурасы тарифті негізсіз көтерген монополистерді жауапкершілікке тартты, деп хабарлайды Aktobenews.kz тілшісі.

Мәселен, «Актобеэнергоснаб» ЖШС 122,1 млн теңге көлемінде үстеме табыс көріп отырған. Электр энергия тарифі сағатына бір киловаттқа 17,62 теңгеден 17,23 теңгеге дейін төмендетілді.

Қандыағаш қаласының тұрғындары үшін жылу энергиясы тарифі 490,41 теңгеге дейін азайтылды.

Мұнда монополист тарифтік сметаны орындамаған. Нәтижесінде мекеменің тарифі бір Гкал үшін 3131,66 теңгеден 2641,25 теңгеге дейін қысқартылды.

«Тарифтік сметаны орындамағаны үшін жылу энергиясын тарататын 7 табиғи монополист жауапкершілікке тартылды. Олар: «Трансэнерго» АҚ, «Коммунальщик», «Эмба жылу», «Шұбарқұдық жылу», «Жемжылу», «Никельтау жылу», «Мартук сервис» мемлекеттік коммуналды мекемелері», — делінген облыстық прокуратураның ресми хабарламасында.

Еске сала кетейік, кеше, 7 қарашада өткен Қауіпсіздік Кеңесінің отырысында мемлекет басшысы Нұрсұлтан Назарбаев тарифті негізсіз көтерген монополистерді жазаға тарту жөнінде тапсырма берді. Бас прокуратураның мәліметінше, қазақстандықтар монополистерге үш жылдың ішінде 29 млрд теңге артық төлеп қойған.

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

"Жауын-шашын түсіп, көктайғақ болады". Дүйсенбіде еліміздің 17 өңірінде дауылды ескерту жарияланды

Ұлытау облысында жыл басынан бері дрифт жасаған 14 көлік жүргізушісі жауапқа тартылды

1200-ден астам құқық бұзушылық: Астанада жаппай рейд жүріп жатыр

Оңтүстік Кореяның білім министрі ЖИИ-мен байланысты даудан кейін отставкаға кетті

Астана, Алматы және Шымкент қалалары бойынша алдағы бес күнге арналған ауа райы болжамы