Атмосфералық фронттардың өтуіне байланысты республиканың солтүстік-шығыс бөлігінің кей жерлерінде аздаған қар жауып, қалған аумағында ауа райы жауын-шашынсыз болады. Кей жерлерде тұман, оңтүстік және шығыс бөлігінде екпінді жел мен жаяу бұрқасын күтіледі. Бұл туралы zakon.kz, Қазгидромет берген ақпаратқа сілтеме жасап хабарлайды.
Жамбыл облысының кей жерлерінде тұман, жаяу бұрқасын, күндіз жел 15-20 м/с күшейеді.
Түркістан, Маңғыстау, күндіз Қызылорда және Қостанай облыстарының кей жерлерінде жел 15-20 м/с күшейеді, Түркістан облысында - кей жерлерде тұман күтіледі.
Павлодар, түнде және таңертең Солтүстік Қазақстан облыстарының кей жерлерінде тұман күтіледі.
Шығыс Қазақстан облысында – кей жерлерде жаяу бұрқасын болады.