Қазығұрт ауданында полицейлер көлігінде ұрлаған қойлары бар көлікті ұстады, деп хабарлайды ҚазАқпарат облыстық Полиция департаментінің баспасөз қызметіне сілтеме жасап.
Полиция қызметкерлері аудандағы жолдардың бірінде жүрісі күмән тудырған «ВАЗ» автокөлігін тоқтатқан. Тексеру барысында көліктің жүк салғышынан жүргізушіде құжаты жоқ 3 қойды табылған.
Кейін анықталғандай, күдікті өзі малын бағатын жергілікті шаруашылықтың қойын ұрлаған. Ұсталған тұрғын барлық мән-жайды анықтау үшін полиция бөліміне жеткізілді.
Аталмыш оқиға бойынша ҚР ҚК-нің 189-бабы «Сеніп тапсырылған бөтен мүлікті иемденіп алу немесе талан-таражға салу» бойынша бірыңғай тергеу тізіліміне тіркелді. Малдың иесіне 100 мың теңге шамасында шығын келтірілген.
Қазір сотқа дейінгі тергеу жұмыстары барысында ұсталушының басқа қылмысқа қатыстылығы анықталуда. Тәртіп сақшылары малды жайылымда қараусыз қалдырмауды және оларға ен-таңба салуды сұрайды.
Сондай-ақ, мал жоғалғанда өз бетінше іздеп уақыт жоғалтпай, тез арада полицияға хабарлау керектігін ескертеді.
