БҚО-ның полиция қызметкерлері егде жастағы әжейді тонаған қылмыскерді ұстады, деп хабарлайды Zakon.kz.
Батыс Қазақстан облысы ПД баспасөз қызметінің ақпаратынша, 4 ақпан күні сағат шамамен 17.00-де белгісіз біреу Гагарин көшесінде орналасқан 99-үйдің ауласында зорлық көрсету арқылы 1945 жылы туған әйел адамға тиесілі "Homtom HT16" маркалы ұялы телефонын ұрлап кеткен.
"Жедел-іздестіру іс-шараларының нәтижесінде Орал қаласы ПБ жол-патрульдік полициясы батальонының қызметкерлері аталған қылмысты жасады деген күдікпен 1981 жылы туған азаматты анықтап, ұстады. Ол уақытша ұстау изоляторына қамауға алынды",- деп атап өтті тәртіп сақшылары.
Қазіргі таңда аталған дерек бойынша ҚР ҚК 191-бабының 2-бөліміне сәйкес сотқа дейінгі тергеу жүргізілуде.