Көпбалалы отбасыларды баспанамен қамтудың қосымша шарасы ретінде Тұрғынүйқұрылысжинақ банкі арқылы жылына 2 пайызбен 20 жылға дейінгі мерзімге жеңілдетілген несие беру мәселесі қарастырылуда, деп хабарлайды Zakon.kz ҚР Инвестиция және инфрақұрылымдық даму министрлігінің баспасөз қызметіне сілтеме жасап.
Бұл механизм табысы ең төменгі жалақыдан аз (42,5 мың теңге) отбасыларға ұсынылады:
Мұндай несие мынадай топтарға беріледі:
1) төрт және одан асатын балалы отбасыларға;
2) мүгедек балалары бар, немесе, мүгедек бала асырап отырған отбасылар;
3) кәмелетке толмаған балалары бар толық емес отбасылар.
Осы мақсатта республикалық бюджеттен үш жыл бойы жылына 50 млрд теңгеден бөлінеді, жалпы бұл механизмді жүзеге асыруға 150 млрд теңге қажет болады.
Нәтижесінде жеңілдетілген несиені 33 мыңдай тұрмысы төмен отбасы ала алады.