ҚР ішкі істер министрінің орынбасары Алексей Калайчиди елдегі трассалардың бойындағы стационарлық посттардың көзін жою қарастырылып отырғанын айтты, деп хабарлайды Zakon.kz "Қазақпаратқа" сілтеме жасап.
– Ішкі бекеттер біртіндеп қысқарып, сыртқы шекарадағы бекеттер ғана қалады. Шамамен 300-дей қызметкер күшейтуді талап ететін басқа қызметтерге ауыстырылады, – деді Алексей Калайчиди.
Ал бекеттер тұрған үйшіктер басқа мақсатта кәдеге жаратылатын болады.
– Ол бекеттер қонақ үй ретінде беріліп, кризистік жағдайларда жылыну үшін пайдаланылады. Қалаларға кіріп-шығатын жерлердегі бекеттер де біртіндеп жабылады, – деп атап өтті Калайчиди.
Оның сөзінше, ол бекеттердегі полиция қызметкерлері үшін жаңа жұмыс орындары дайын тұр, ешбір полицей жұмыссыз қалмайды.
