АҚШ-тың Нью-Джерси штатында ажырасып тынған ерлі-зайыптылар өздері қызметіне жүгінген репродуктивті клиниканы сотқа беріп жатыр, деп хабарлады Zakon.kz РИА Новостиге сілтеме жасап.
Эко процурасы арқылы өз ұрықтарын жасанды жолмен өсіріп, балалы болдық деген Кристина Кеддерич пен Дрю Василевски уақыт өте келе өсіп келе жатқан сәби өздерінікі емес екенін ұққан. Өйткені олар европалық болса, баладан азиаттық адамның белгілері біліне бастаған.
Отбасы бірден ДНК сараптамасына жүгінген. Талдау қыз баланың әкесі Дрю Василевски емес екенін растады. Осылайша репродуктивті клиника дәрігерлерінің қателігі кесірінен отбасында кикілжің туындап, ақырында олар ажырасып тынған.
Олар репродуктологтардың қызметіне 500 мың доллар (193 миллион теңге) жұмсаған. Дрю Василевски, енді өз шығынын қайтарып алу үшін қызметіне жүгінген клиниканы сотқа беріп жатыр.
Оқи отырыңыз: Жамбыл облысында бір отбасы түрлі ұлттың 9 баласын асырап алды