Алматыда Қала құрылысын бақылау басқармасы Полиция департаментінің қызметкерлерімен бірлесіп, топырақтың құнарлы қабатын заңсыз алу фактілерін анықтауда, деп хабарлайды Zakon.kz Total.kz-ке сілтеме жасап.
– Жер комитеті заңсыз топырақ алу бойынша ҚР Әкімшілік кодексінің 337 бабында (Жерді бүлдіру) қарастырылған жауапкершілікке тарта алады. Ал полиция Әкімшілік кодекстің 505 бабы (Қалалар мен елдi мекендердiң аумақтарын абаттандыру қағидаларын бұзу) бойынша әкімшілік іс ашуға, сондай-ақ, мәліметті тиісті органдарға беруге өкілетті. Екі күннің ішінде заңсыз топырақ алу бойынша 13 дерек табылып, 12 адам әкімшілік жауапкершілікке тартылды. Салынған айыппұлдардың жалпы сомасы 450 мың теңгені құрады, – деді Алматы ПД жергілікті полиция қызметі басқармасының бастығы Төрехан Исин.
