Алматы қалалық Қоғамдық денсаулық басқармасының бастығы Тілеухан Әбілдаев мегаполистегі эпидемиологиялық жағдай туралы егжей-тегжейлі айтты. Оның айтуынша, қазір екі науқастың жағдайы өте ауыр, деп хабарлайды zakon.kz.
Әбілдаев бүгінде қалада коронавирус жұқтырған 1 847 науқас тіркелгенін айтты. Кеше КВИ бойынша тағы 46 жағдай анықталды.
Инфекциялық ауруханаларда 929 науқас жатыр, олардың 40-ы - балалар.
Екі науқастың жағдайы - өте ауыр, 22-сі - ауыр жағдайда, 296 науқастың жағдайы орташа ауырлық дәрежесінде, қалғандары - қанағаттанарлық деңгейде.
Коронавирустан 910 адам емделіп, ауруханадан жазылып шықты. Бүгін тағы емделіп, жазылған 50 науқас ауруханадан босатылмақшы.
Уақытша ауруханаларда 251 науқас бар, олардың алтауы - балалар. 260 адам карантиндік ауруханада, ал 13 087 азамат үйінде оқшауланған.