Қазақстан Президенті Армения Премьер-министріне тезірек сауығып кетуіне тілектестік білдірді, деп хабарлайды zakon.kz.
"Армения Премьер-министрі Н.Пашинянның тезірек сауығып кетуіне тілектеспін. Ол өз қажыр-қайратының арқасында дерттен құлан-таза айығып, достас Арменияның игілігі жолындағы қызметіне қайта оралады деп сенемін" деп жазды Президент Твиттерде.
Алдында Армения Премьер-министрі Никол Пашинян Facebook-те өзінен және отбасынан коронавирус диагнозы расталғанын хабарлап, жазба жариялаған еді.