Маңғыстау облысында коронавирустан бір адам қайтыс болды, деп хабарлайды zakon.kz.
Марқұм 1966 жылғы Ақтау қаласының тұрғыны, деп хабарлайды Маңғыстау облыстық ӨҚК.
Облыстық денсаулық сақтау басқармасы басшысының айтуынша, 29 мамырда науқастың дене қызуы 38 градусқа көтеріліп, жөтел қысқан. Келесі күні - 30 мамырда ол дәрігерге қаралып, дереу көпсалалы уақытша ауруханаға жатқызылды. Коронавирусқа анализ алынып, ол оң нәтиже көрсетті. Ауруханаға түскен сәттен бастап ол жасанды тыныс алу аппаратына қосылды. Дәрігерлер қолдан келгеннің бәрін жасады. Алайда, өкінішке орай, ауруханаға түскеннен кейін 10 күн өткен соң, 9 маусымда науқастың жүрегі тоқтап қалды, делінген хабарламада.
Марқұмға пневмонияның асқынуы, 2 типті қант диабеті диагнозы қойылған.
Бұл - Маңғыстау облысындағы Ковид-19 вирусынан қайтыс болған екінші адам.