"Жолаушылар тасымалы" АҚ "Тальго" пойызының екі бағыт бойынша уақытша тоқтатылатынын мәлімдеді, деп хабарлайды zakon.kz.
№ 69/70 "Алматы-2 - Өскемен-1" бағытындағы пойыз Алматыдан жөнелтілуі 1 тамыздан бастап, Өскеменге келуі/жөнелтілуі 2 тамыздан бастап;
№ 51/52 "Алматы-2 - Орал" бағытындағы пойыз Алматыдан 2 тамыздан бастап, Оралдан келуі/жөнелтілуі 4 тамыздан бастап тоқтатылады.
Аталған пойыздарға билет алып қойған жолаушылар жол-пұлын толығымен қайтарып ала алады.
"Билеттер үшін төлемдерді қайтару билетті алу тәртібі мен сатып алу тәсіліне байланысты қолма-қол және қолма-қол ақшасыз есеп айырысу арқылы жүргізіледі", - делінген хабарламада.