2020 жылдың наурыз-маусым айлары аралығында коронавирус және пневмониямен 150 мың науқас ауруханаларда емделді, деп хабарлайды zakon.kz.
Бұл үшін Әлеуметтік медициналық сақтандыру қоры ауруханаларға 9 млрд теңгеден астам қаражат төледі, деп хабарлайды ӘМСҚ.
Медициналық көмектің сапасын жақсарту үшін шілде айында медициналық ұйымдарда тарифтер көтерілді. Енді Қордан уақытша аурухананың әр төсегі үшін күніне 22 мың теңгеден, тәулік бойы стационарда болғаны үшін 32 мың теңгеден, анестезиология, реанимация және қарқынды терапия бөлімінде науқасты емдетуге - 70 мың теңгеге жуық шығындар өтелді.
"Бұл қызметтердің тарифінің өсуі Қордың тасымалдаушы компаниялар санын кеңейтуге, жекеменшік ауруханаларды коронавирус және пневмониямен ауыратын науқастарды емдеуге неғұрлым белсенді тартуға, сондай-ақ ауруханалардағы медициналық көмектің сапасын ынталандыруға мүмкіндік береді", - деді ӘМСҚ басшысы Болат Төкежанов.
Жалпы алғанда, коронавируспен күрес шараларына 56,7 млрд теңге бөлінді. Халыққа көмек көрсету үшін 630 тасымалдаушымен шарттар жасалды, оның ішінде ауруханаларда емделуге, оның ішінде медициналық көмек көрсетуге 13,4 млрд теңге көлемінде, медициналық қызметкерлердің ерекше еңбек жағдайлары үшін жәрдемақыларға - 38,1 млрд теңге, ПТР диагностикасына - 5,2 млрд теңге бөлінді.
