Электронды табло таңғы уақытта кептелістен көз ашпайтын Талғар тас жолы мен Хан Тәңірі көшесінің қиылысында орнатылды, деп хабарлайды zakon.kz kolesa.kz-ке сілтеме жасап.
Қалалық мобильділік басқармасының хабарлауынша, қиылыстағы кептелісті азайту мақсатында сағат 6:00-ден 11:00-ге дейін таблода тек тіке жүруге мүмкіндік беретін 4.1.1 белгісі, ал 11:00-ден 6:00-ге дейін тіке және солға жүруге арналған 4.1.5 белгісі көрсетіледі.
Тәуліктің қай уақытында қандай белгіні қосу керектігі бағдарлама кешені арқылы шешіледі. Сондай-ақ таблоның жұмыс режимін көшедегі кептеліске байланысты трафикті автоматты басқару жүйесі реттейді.
Егер бұл тәжірибе жақсы нәтиже көрсетсе, оңтүстік астананың өзге жол қиылыстарында да осындай белгі қойылуы мүмкін.
Посмотреть эту публикацию в Instagram
