Мемлекет басшысы "Қазақстан Республикасының кейбір заңнамалық актілеріне жер қатынастарын дамыту мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды, деп хабарлайды zakon.kz Ақордаға сілтеме жасап.
Заңның мақсаты - жер заңнамасын жетілдіру, ауыл шаруашылығы мақсатындағы жерлерді жалға беру институтын реттеу және жер телімін пайдалану мен қорғауға мемлекеттік бақылауды күшейту.
Негізгі заңдық өзгерістер мен толықтырулар мыналарды көздейді: қазақстандықтар мен қазақстандық заңды тұлғаларға ауылшаруашылық жерлерін 49 жылға дейін жалға алуға, жалға алу мерзімі аяқталғаннан кейін мерзімін тағы да ұзартуға құқық беру, сондай-ақ мемлекеттен сатып алынбаған ауылшаруашылық мақсатындағы жерлерді жалға алу құқығынан айыру.
Сонымен бірге ондай жер телімін пайдалану мерзімі кемінде 5 жылды құрайды, сонымен қатар жер қатынастары жөніндегі органдарға хабарлама беру міндетті шарт болып табылады.
Құжатта мынандай келесі міндеттер де ескерілген:
- Жерді пайдалану мен қорғауды мемлекеттік бақылау функцияларын әкімдіктерден жер ресурстарын басқару жөніндегі комитетке қайтару;
- ауыл шаруашылығы мақсатындағы жерлердің "көгалдандыру" және "саяжай құрылысы" мақсаттарын өзгертуге тыйым салу;
- халықтың қажеттіліктерін қанағаттандыру мақсатында жергілікті жағдайларды ескере отырып, жайылымдарды басқару жоспарларында талап етілетін жайылымдық шекараларды анықтау;
- ұсынылған ауыл шаруашылығы мақсатындағы жер учаскелері туралы ақпаратты мемлекеттік жер кадастрының интернет-ресурсында орналастыру;
- ауылшаруашылық жер телімдерін қазақстандықтарға жеке меншікке беруге жарияланған мораторийді 2026 жылдың 31 желтоқсанына дейін ұзарту.