Бүкіл республикамыз бойынша сайлау учаскелері таң атқаннан кешкі сегізге дейін жұмыс істеді.
ҰҚШҰ бақылаушылары сайлаушылардың жоғары белсенділігін атап өтті. Семейліктер, Түркістан және Батыс Қазақстан облыстарының тұрғындары ерекше белсенділік танытты.
Алматы, керісінше, күннің бірінші жартысында "аутсайдерлер" арасында қалып кетті. Бұл фактіні Алматы аумақтық сайлау комиссиясының төрағасы Жанна Асанова қала тұрғындарының "жексенбіде әбден ұйқысын қандырып алғысы келетіндігімен" түсіндірді.
"Сағат 12: 00-де шайымызды ішеміз, содан кейін үйден жайбарақат шығамыз. Менің ойымша, бұл арадағы себеп осы. Кешке сайлау учаскелеріне келушілердің саны артуы мүмкін. Оның үстіне бүгін күн суық, жаңбыр жауды, бірақ қазір ауа райы жақсарып келе жатқан сияқты", - деді ол журналистің заңды сұрағына жауап бере отырып.
Сурет: Zakon.kz
Шығыс Қазақстан облысында сайлау учаскелерінде сауда қыза түсті. Мұнда байқаулар мен акциялар өткізіліп, сайлаушыларға тәттілер таратылды. Бірінші болып дауыс бергендерге, сондай-ақ әрбір жүзінші, мыңыншы сайлаушыға естелік сыйлықтар табыс етілді.
Сурет: ШҚО әкімдігінің баспасөз қызметі
Семей де мұндай үрдістен қалыс қалмады: онда алғашқы болып дауыс беруге келген адамды музыкамен қарсы алып, ыстық бауырсақ ұсынды. Ашылу салтанатына негізінен зейнеткерлер, Абай облысының Қоғамдық кеңесінің мүшелері мен студенттер қатысты. "Қарттар үшін сайлау - әрқашан мереке" деген ой да айтылып қалды. Шамасы, Қазақстанның үлкендері осылайша жастарға жақсы үлгі көрсетуге бел буған секілді.
Сурет: Zakon.kz
Айтқандай, үлкен кісілер өз отандастарына азаматтық жауапкершілікті ғана емес, тамаша көңіл-күйде болуды да насихаттады. Сонымен, алматылықтар ұзақ уақыт бойы сүйкімді әжейді жадыларынан шығара қоймас деп ойлаймыз. Ол әзілімен айналасындағылардың көңіл-күйін көтеріп қана қоймай, барлығына бата да берді.
Өскемендіктер сауда көрігін қыздырды. Жергілікті сайлау учаскелерінің бірінде тұрғындар азық-түлік сатты. Егер күнбағыс майы, қарақұмық және қант әлеуметтік бағамен сатылып, тез өтсе, шұжық өнімдерінің құны арзан бола қоймады.
20 қарашада Орал тұрғындары тек таңдау жасап қана қоймай, сонымен қатар қоғамдық көлікте тегін жүру құқығына ие болды: таңғы 6-дан кешкі 20-00-ге дейін. Тасымалдаушы алты компания осылайша мемлекеттік ауқымды іс-шараға қолдау білдірді. Осы жексенбіде барлығы 200-ге жуық жергілікті автобус рейске шықты.
Атырауда дауыс беруге келгендер оқушылардың қолөнерімен танысты. Көрменің мақсаты - ұлттық өнерді насихаттау.
Сурет: Атырау облысы әкімдігінің баспасөз қызметі
Ал Тараз айғай-шуды айналып өте алмады. Дауыс беруге келген адамдардың бірі өзінің аты-жөнін тізімнен таппай, қатты ашуланды. Ыңғайсыз жағдайды лезде шешу мүмкін болды.
Батыс Қазақстан облысында көптеген сайлаушылар сайлау учаскелеріне ұлттық киіммен келіп, мерекелік көңіл-күй сыйлады.
Сурет: БҚО әкімдігінің баспасөз қызметі
Сонымен қатар, Қонаевта ретро-көліктердің автошеруі өтті. Бұл акцияның бастамашысы - кәсіпкер Мұрат Сергибаев. Шеруге барлығы 10 автокөлік қатысты, олар қаладағы барлық сайлау учаскелерін аралап шықты.
Сурет: Zakon.kz
Ал Текелі қаласында Ұлттық спорт қауымдастығының республикалық деңгейдегі төрешісі Бүркітбай Файзолла отбасымен және ерекше "үй жануарларымен" бірге сайлау учаскесіне бас сұқты.
Сурет: Жетісу облысы әкімдігінің баспасөз қызметі
Түскі асқа дейін де Қазақстан президенттігінен үміткерлердің барлығы өздері қалаған көшбасшыға дауыс берді. Жигули Дайрабаев сайлау учаскесіне әйелі мен немерелерін ертіп келді. Қарақат Әбден ата-анасымен бірге жүрді. Қазіргі президент Қасым-Жомарт Тоқаев дауыс бергеннен кейін журналистермен сұқбаттасып, үкіметтің отставкаға кетуі және Қазақстанның саяси модернизациясы жайынан әңгіме өрбітті.
Сайлауда саясаткерлер қатарынан Үкімет басшысы Әлихан Смайылов, Алматы қаласы әкімі Ерболат Досаев, Астана қаласы әкімі Алтай Көлгінов, Оқу-ағарту министрі Асхат Аймағамбетов, ҚР Парламенті Мәжілісінің бұрынғы төрағасы Нұрлан Нығматулин, Атырау облысының әкімі Серік Шапкенов, ҚР Цифрландыру министрлігінің басшысы Бағдат Мусин және басқалары төбе көрсетті.
Кандидаттардың біріне Қазақстанның Тұңғыш президенті Нұрсұлтан Назарбаев өз дауысын берді.
Шығармашылық элита да азаматтық ұстанымын білдірді. Бейнекамера объективіне түскен жұлдыздардың арасында халық әртісі Роза Рымбаева, ақын Әділғазы Қайырбеков, белгілі ақын Ринат Зайытов, әнші Мадина Сәдуақасова, ҚР еңбек сіңірген әртісі Сұлушаш Нұрмағамбетова, скрипкашы Мұрат Серкебаев, жеңіл атлет Ольга Рыпакова, әнші және композитор Парвиз Назаров, әлемге танымал әнші Димаш Құдайберген және т.б. болды.
