Шавкат Мирзиёев Қарақалпақстандағы шілде айының басындағы оқиғаға тоқталды. Ол жағдайды тез қалыпқа келтірген «дана халыққа» алғысын білдірді, деп хабарлайды Gazeta.uz.
"Қарақалпақстанның қол жеткізген жетістіктері – бүкіл Өзбекстанның жетістігі, Қарақалпақстанның уайымы – бүкіл Өзбекстанның уайымы". Бұл идея біз үшін әрқашан практикалық іс-қимыл бағдарламасы болды және солай бола береді". Шавкат Мирзиёев
Өзбекстан президенті «біздің халықтарымыздың ежелден келе жатқан достығына ешбір күш әсер ете алмайды» деп қосты.
Сондай-ақ ол Конституция жобасында азаматтардың барлық ұсыныстары мен тілектері ескерілетінін айтты. Оны жетілдіру жұмыстары жалғасуда.
"Халқымыз конституциялық реформадан үлкен өзгерістер күтуде. Бүгінгі күні келіп түскен 220 мыңнан астам ұсыныс – соның жарқын дәлелі. Пікірталас пен ақылдасулар жалғасуда". Шавкат Мирзиёев
2022 жылдың 1 шілдесінде Қарақалпақстан азаматтары Нөкіс қаласының айналасында шерулер ұйымдастырып, одан кейін орталық дехқан базарының аумағына жиналып, заңсыз шеру ұйымдастырды.
Халық шеруге Конституцияға Қарақалпақстанның Өзбекстаннан шығу құқығы туралы тармақты алып тастайтын түзетулер жобасына байланысты шықты.
Кейін өзбек билігі шерушілердің мемлекеттік органдарды басып алу әрекеті туралы хабарлады. Қарақалпақстанда төтенше жағдай режимі енгізілді.
Мирзиеев кейін Қарақалпақстанның құқықтық статусы туралы нормалардың өзгеріссіз қалуы үшін Олий Мажлистің заң шығару палатасына жүгінді.
Қарақалпақстандағы оқиғаға қатысты сот қараша айының соңында басталды. Айғақтарды куәгерлермен қатар, әскерилермен бірге құқық қорғау органдарының қызметкерлері де берді. Іс бойынша 22 айыпталушы бар.
